Աին-ը շտապ հայտարարություն է տարածել

Նորություն

Ապրիլի 13-ին Գեղարքունիքի մարզային փրկարարական վարչությունը Սարուխան և Կարմիրգյուղ համայնքներում անցկացնելու է «Ազդարարում, տարահանում, պատսպարում» թեմայով վարժանքներ։ Գործարկվելու են էլեկտրաշչակները: «Խնդրում ենք չանհանգստանալ»,-նշվում է հայտարարության մեջ:

Ինչպես նաև ԱԻՆ-ի ֆեյսբուքյան էջը տարածել է հերքում ՝ Newspress.am կայքում ԱԻ նախարարին առնչվող հրապարակման վերաբերյալ: Newspress.am լրատվական կայքի լրագրողի՝ «Արտակարգ իրավիճակների նախարարը «հականիկոլական» աշխատակիցներին հրահանգել է ազատման դիմում գրել. վերևից իջեցված հրամա՞ն» վերտառությամբ հրապարակումը ոչ միայն ապատեղեկատվություն է և որևէ ա ղերս չունի իրականության հետ, այլև զրպարտության և անձնական վ իրավորանքի տիրույթում է, ունի քաղաքական ենթատեքստ:

Տեղեկացնում ենք, որ Արտակարգ իրավիճակների նախարարությունում նման «հավաք» տեղի չի ունեցել, իսկ այդպիսի հրահանգավորման մասին խոսք անգամ չէր կարող լինել, քանի որ նախարարությունը՝ որպես կիսաուժային կառույց, քաղաքականությունից զերծ է: Կարծում ենք նաև, որ նման ստահոդ լուրերի հիմքում զոհերի անունները շահարկելը բարոյական հարթությունում համապատասխան որակում ունի:

Այս հրապարակումը պատրաստելիս, ըստ ամենայնի, տիկին Մկրտումյանը կամ մասնագիտական թերացում է ունեցել՝ տեղեկությունների ճշգրտման առումով, կամ կ եղծ լրատվությունը տարածել է՝ ունենալով որոշակի քաղաքական հետաքրքրություններ, որը լրագրողի մասնագիտական պարտականությունների շրջանակից դուրս է: Իսկ ինչ վերաբերում է ԱԻՆ պաշտոնական կայքում նախարարի կենսագրության մեջ 2008 թվականին Հայրենիքին մատուցած ծառայությունների համար 1-ին աստիճանի մեդալով պարգևատրման մասին տեղեկատվության թերի լինելուն, այն է՝ ըստ լրագրողի, նշված չէ թե ու՞մ կողմից է տրված. արձանագրենք, որ նույն ձևաչափով ներկայացված են նախարարի պարգևների մեծ մասը, որոնք շնորհվել են տարբեր պետական բարձրաստիճան պաշտոնյաների կողմից, այդ թվում` նաև երկրորդ և երրորդ նախագահների:

Վերընշվածից ելնելով՝ Newspress.am –ից պահանջում ենք հրապարակել հերքումը և ներողություն խնդրել անձնական վի րավորանքի համար։ Նշված տեղեկությունները սահմանված կարգով չհերքվելու դեպքում, այս հարցը ՀՀ օրենսդրությամբ նախատեսված կարգով կտեղափոխվի իրավական լուծման դաշտ։

Добавить комментарий

Ваш адрес email не будет опубликован.